Yon bon jou, Jezi te di pawòl sa a : « Poukisa n’ap plede rele Mwen : Mèt, Mèt… » (Lik 6.46). Chè zanmi m’, ann fè yon ti kout meditasyon sou kisa pawòl sa a vle di. Lè yon moun di : « Mèt, Mèt… » oubyen, « Senyè, Senyè…» , kisa yo vle di ?
Istwa a fè nou wè fidelite yon jenn gason nan mitan gran difikilte. Konbyen fwa nou pèdi lafwa pandan nou sibi kèk ti bagay ki prèske pa sanble anyen devan sa jennonm sa a te sibi nan istwa sa a ?
M’ panse petèt ou konn tande moun di bagay konsa : « M’ twouve li difi sil pou m’ sipòte Entèl. » Oubyen petèt yo konn di : « M’ pa ka boule ak Entèl mwen menm. » Èske ou ka sipòte frè ou ? Si ou sensè, fòk ou admèt genyen moun ki difi sil pou ou sipòte.
